Të fundit

Vrasja e gruas para repartit të gjinekologjisë, IPK konfirmon kthimin në punë të 4 policëve të suspenduar

Inspektorati Policor i Kosovës në një përgjigje ka konfirmuar se janë kthyer në punë zyrtarët policorë të cilët ishin suspenduar nën dyshimet për keqpërdorim të detyrës zyrtare pas rastit të vrasjes së Hamide Magashit, nënës shtatzënë, në oborrin e Qendrës Klinike Universitare.

Nga IPK kanë thënë se pas përfundimit të hetimeve, dorëzimit të kallëzimit penal në Prokurori dhe kërkesës për hetim disiplinor në Policinë e Kosovës, IKP ka njoftuar Drejtorinë e Përgjithshme të Policisë së Kosovës se shkaqet e suspendimit të katër zyrtarëve policor të Stacionit Policor në Lipjan kanë pushuar.

“Duke ju referuar kërkesës suaj, Inspektorati Policor i Kosovës ju konfirmon se ka hetuar rastin penal ndaj katër zyrtareve policor te Stacionit Policor Lipjan nen dyshimin se te njëjtin kane kryer veprën penale “Keqpërdorim i pozitës apo autoritetit zyrtar” dhe për këtë shkak ndaj tyre është rekomanduar suspendimi me pagesë.

Pas mbledhjes së dëshmive, IPK në konsulltë me Prokurorin e Prokurorisë Themelore Prishtinë ka ngritur Kallëzim penal ndaj tre të dyshuarëve ( një rreshteri dhe dy hetuesve të Stacionit Policor Lipjan për veprën penale penale “Keqpërdorim i pozitës apo autoritetit zyrtar”, ndërsa ndaj komandantit të Stacionit Policor-Lipjan ka bërë kërkesë për inicim të procedurës disiplinore në Drejtorinë për Hetime të Brendshme dhe Verifikim të së Kaluerës-Policia e Kosovës”, kanë thënë për Express nga IPK.

“Pas përfundimit ë veprimeve hetimore, dorëzimit të kallëzimit penal në Prokurorinë Themelore në Prishtine dhe kërkesës për hetim disiplinor në PK, IPK ka njoftuar Drejtorin e Përgjithshëm të PK-së, se shkaqet e suspendimit të katër zyrtarëve policor të Stacionit Policor në Lipjan kanë pushuar”, përfundon përgjigja.

Video nga Paradoks

Projekt super i veçantë: Prezantohet Marigona Sun, lagjja më luksoze në Kosovë…

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci