Ish-ministri i Shëndetësisë nga radhët e Lidhjes Demokratike të Kosovës, Armend Zemaj ka thënë se Lëvizja Vetëvendosje nuk ka ndryshuar qasje ndaj shëndetësisë dhe degradimi i sistemit po vazhdon.
Sipas tij, qeveria s’ka interesim për menaxhimin e avancimin e shërbimeve shëndetësore, shkruan Paparaci.com.
“Interesimi kryesor i kësaj qeverie mbetet kapja e pozitave nga militant politik; filluan me Bordin e SHSKUK, menaxhmentin, bordet profesionale e tashmë kanë arritur interesin primar e që del të jetë i madh “prokurimin e tenderët një burimor”, dmth pasurimin e jo ruajtjen e shëndetit publik!”, ka shkruar Zemaj.
Për katër muaj sipas Zemajt Kosovën e kanë lëshuar 104 mjekë.
Ky është postimi i tij i plotë:
Qasja në sektorin e shëndetësisë nuk ndryshon. Ndaj, dështimi e degradimi vazhdon.
Interesimi i kësaj qeverie nuk është menaxhimi e as avancimi i shërbimeve shëndetësore, këtë e kemi thënë që nga fillimi.
Interesimi kryesor i kësaj qeverie mbetet kapja e pozitave nga militant politik; filluan me Bordin e SHSKUK, menaxhmentin, bordet profesionale e tashmë kanë arritur interesin primar e që del të jetë i madh “prokurimin e tenderët një burimor”, dmth pasurimin e jo ruajtjen e shëndetit publik!
Ndërsa, mjekët largohem çdo ditë, qindra mjekë dhe infermierë po ikin; vetëm për katër muaj të këtij viti, 104 kanë ikur.
Zoti i ruajt mjekët e infermierët e mbetur në vend si dhe pacientët që kanë nevojë për shërim!. /Paparaci.com/