Prej disa kohësh tashmë, inteligjenca artificiale po pushton gjithmonë e më shumë jetët tona, si një tentativë e frikshme për të zëvëndësuar tiparet e logjikën njerëzore.
Teksa çdo ditë AI po kapërcen shkallë drejt zhvillimit marramendës, duket sikur me raportimin e fundit të Microsoft, përshtatja me trurin e njeriut është në kulmin e saj.
Një dokument i fundit nga Microsoft raporton se GPT-4 AI po shfaq shenja të përdorimit të arsyetimit njerëzor dhe të logjikës.
Ky fenomen u vërtetu nëpëtmjet një testimi të thjeshtë. Kur AI u nxit me detyrën për të vendosur një libër, 9 vezë, një laptop, shishe dhe gozhdë në një mënyrë të saktë qëndrueshme, softueri dha një zgjidhje të vlefshme duke përdorur arsyetimin dhe logjikën.
Ai udhëzoi që libri të vendoset rrafsh në një sipërfaqe të sheshtë horizontale, të vendosen 9 vezët në një katror, të vendoset niveli i laptopit mbi vezët e shpërndara në mënyrë të barabartë dhe më pas të vendoset shishja në pjesën e sipërme të prehërit me gozhdën me kokë poshtë në kapakun e shishes.
Edhe pse duket si tepër elementare për të testuar arsyetimin e një softueri inteligjent, kjo detyrë nuk kërkon zgjedhje të komplikuara matematikore e robotike, aq sw kërkon logjikën e thjeshtë njerëzore.