Federata e Basketbollit e Kosovës ka njoftuar se të hënën do të bëhet prezantimi i selektorit të ri të Përfaqësueses së Kosovës.
Prezantimi i selektorit të ri do të bëhet të hënën më 22 maj nga ora 14:00 në “Four Points by Sheraton Prishtina”
“Në këtë konferencë do të prezantohet përzgjedhësi i Kosovës, si dhe do të shpalosen detaje nga ndeshjet e Dardanëve në parakualifikimet e Eurobasket 2025, ku jemi në grup me Zvicrën dhe Danimarkën”, thuhet në njoftimin e FBK-së.
Sipas raportimeve, selektori i ri i Kosovës me shumë mundësi do të jetë trajneri i Pejës, Rami Hadar.
Trajneri izraelit arriti të shpallet kampion i Kosovës me skuadrën pejane pasi mposhti në finale skuadrën e Trepçës.