Të fundit

Haradinaj: Qeverisja e AAK-së në Rahovec, shembulli më i mirë i qeverisjes së suksesshme komunale

Kryetari i Aleancës për Ardhmërinë e Kosovës (AAK), Ramush Haradinaj ka marrë pjesë në shënimin e 23-vjetorit të themelimit të këtij subjekti politik në Rahovec.

Haradinaj ka thënë se Rahoveci nën udhëheqjen e kryetarit Smajl Latifi vazhdon të jetë shembulli më i mirë i qeverisjes lokale.
“Rahoveci nën udhëheqjen e kryetarit Smajl Latifi dhe ekipit të tij, vazhdon të jetë shembulli më i mirë i një qeverisjeje të suksesshme komunale”, ka shkruar Haradinaj.

Ai ka falenderuar dhe shprehur mirënjohjen e tij për angazhimin e secilit aktivistë përgjatë 23 viteve të AAK-së në Rahovec.
“Shumë i kënaqur që sot bashkë shënuam 23-vjetorin e themelimit të AAK-së në Rahovec, bashkë me aktivistë që ndër vite dhanë kontributin e tyre për Aleancën dhe me asamblistët dhe drejtorët nga radhët e Aleancës në këtë komunë”.

“Shpreha mirënjohjen për secilin që ishte pjesë e rrugëtimin tonë politik përgjatë 23 viteve jo edhe të lehta as për ne e as për Kosovën. Falë një pune të përbashkët, sot Aleanca në Rahovec është njëra ndër degët më të suksesshme në nivel vendi. Me qeverisjen e saj shembullore në komunë, qytetarëve punëtorë të Rahovecit, Aleanca i ka sjellur projekte të suksesshme, duke i dhënë krah bujqve dhe kulturave agrare në këtë trevë dhe duke i dhënë mundësinë për të ngritur sa më lartë ekonominë dhe mirëqenien”, është shprehur Haradinaj.

Haradinaj ka shtuar se AAK sa herë ka udhëhequr me qeverinë nacionale, ka qenë krah Rahovecit.

“Aleanca sa herë ka udhëhequr me qeverinë nacionale, ka qenë krah fermerëve rahovecianë, krah kryetarit të Komunës dhe të qytetarëve të këtushëm. Ne vazhdojmë të jemi krah tyre kudo e kurdo që shfaqet nevoja dhe e kemi mundësinë”, është shprehur Haradinaj.

Video nga Paradoks

"Ky veç po u jep peshqi": Pse populli po vazhdon ta zgjedh VV-në? Doarsa flet për sondazhet - "Nesër me shku n'zgjedhje jemi gati"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci