Të fundit

SHBA-ja e Koreja e Jugut përdorin armatim të rëndë në kufi me Korenë e Veriut

Ushtritë e Koresë së Jugut dhe Shteteve të Bashkuara të Amerikës kanë zhvilluar stërvitjet e përbashkëta në kufi me Korenë e Veriut.

Stërvitjet e mëdha, në të cilat u përdor edhe armatim i vërtetë, kanë ngjallur reagimin e shtetit diktatorial që ka deklaruar se nuk do të tolerojë stërvitjet armiqësore në kufirin e saj.

Koreja e Veriut ka thënë se dy shtetet po stërviteshin për një pushtim të mundshëm të territorit të saj.

Stërvitjet e së enjtes ishin të parat në serinë prej pesë të tillave, që pritet të zhvillohen deri në mesin e muajit qershor.

Stërvitjet, në të cilat u përdorën helikopterët dhe aeroplanët luftarakë, shënojnë 70-vjetorin e aleancës ushtarake mes Seulit dhe Washingtonit.

Këto ushtrime të quajtura si “stërvitje të kombinuara të armatimit për asgjësim”, do të jenë më të mëdhatë të llojit të vet.

Stërvitjet janë mbajtur 11 herë që nga nisja e tyre më 1977.

Koreja e Jugut ka deklaruar se në ushtrime janë përdorur aeroplanë, helikopterë, sisteme të shumta raketore dhe armë të tjera të sofistikuara nga Koreja e Jugut dhe SHBA-ja.

Video nga Paradoks

Intervistë ekskluzive: Valdet Zekaj rrëfen në detaje ngjarjen e Kumanovës

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci