Kryeministri i Kosovës, Albin Kurti ka thënë se është pajtuar që situata e tensionuar në veri të vendit “të qetësohet”.
Pas një telefonate të zhvilluar të hënën me kryediplomatin italian, Antonoi Tajani, shefi i qeverisë tha se është koha të zbatohet Marrëveshja Bazike e Ohrit mes Kosovës dhe Serbisë.
Ai tha se është pajtuar me ministrin e Jashtëm të Italisë që situata në veri t qetësohet.
“Pata një bisedë telefonike me ministrin e Italisë, Antonio Tajani sot gjatë ditës. Të dy u dakorduam që është koha të zbatohet Marrëveshja Bazike dhe të qetësohet situata në veri”, shkroi Kurti në Twitter.
Pjesëtarë të KFOR-it kanë shtuar praninë e misionit në katër komunat veriore të hënën. Ndërkaq, qytetarë serbë janë mbledhur rreth objekteve komunale në tri komunat e Zveçanit, Zubin Potokut dhe Leposaviqit, në një protestë kundër pranisë së njësive speciale të Policisë së Kosovës aty.
Had a phone conversation with the Italian DPM&MFA @Antonio_Tajani earlier today. We both agreed that the current time calls for the implementation of the Basic Agreement and the situation in the north to be calmed down.
— Albin Kurti (@albinkurti) May 29, 2023