Ish-presidenti i Kosovës, Hashim Thaçi, ndodhet në Kosovë për të vizituar familjen e tij, me leje të aprovuar nga Gjykata Speciale.
Lajmin e ka konfirmuar zëdhënësja e Dhomave të Specializuara të Kosovës, Angela Griep.
Sipas saj, vizita e Thaçit në Kosovë po monitorohet nga EULEX-i dhe Policia e Kosovës.
“Për shkak të arsyeve bindëse humanitare, Trupi Gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin, për të takuar familjen. I akuzuari mbetet në paraburgim dhe në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, tha ajo.