Trupat e misionit paqeruajtës të NATO-s në Kosovë, KFOR, kanë ndërhyrë ndaj protestuesve serbë, të tubuar para ndërtesës së komunës së Zveçanit.
Kordoni i paqeruajtësve të KFOR-it, të pajisur për situata krize, vazhdon të mbetet para ndërtesës së komunës.
Gaz lotsjellës, flakë dhe shtëllunga tymi kanë përfshirë zonën, ndërkohë që dëgjohen edhe sirena dhe detonime.
Kurse, tashmë janë publikuar pamjet kur protestuesit serbë, disa prej të cilëve ishin me maska, vihen në sulm ndaj pjesëtarëve të KFOR-it.
Personat e maskuar që shihen në rendin e parë hedhin gjësende të ndryshme ndaj ushtarëve të misionit të NATO-s në Kosovë dhe vijojnë përplasjen me ta.
Po ashtu, në pamje shihet se një serb i godet mbrojtëset e ushtarëve me shkop bejsbolli.
🇷🇸Clashes broke out between protesting #Serbs and security forces in northern #Kosovo, local media write. pic.twitter.com/0jTxZ4UPon
— Breaking news Ukraine, the world.Stop war (@Andreynowar) May 29, 2023
Më herët u raportuar se përfaqësuesi amerikan i KFOR-it ka thënë se personat e maskuar “po lëvizin në mënyrë të dyshimtë”.
Por sipas Igor Simiqit, nënkryetar i Listës Serbe, protestuesit “duhet t’i mbulojnë fytyrat e tyre në mënyrë që nesër policia të mos i ngacmojë dhe arrestojë ata”.