Presidenti serb, Aleksandar Vuçiq do të marrë pjesë sot në Samitin e Komunitetit Politik Evropian, i cili po mbahet në Kishinau, ku do të takohet me presidentin e Francës, Emmanuel Macron, kancelarin gjerman, Olaf Scholz, dhe Përfaqësuesin e Lartë të BE-së për Politikë të Jashtme dhe Siguri, Josep Borrell.
Sipas kumtesës së shërbimit për media të Vuçiqit, janë planifikuar edhe një sërë takimesh të tjera me liderët e vendeve, transmeton Paparaci.
“Një seri takimesh janë planifikuar mes presidentit serb dhe zyrtarëve, duke përfshirë Presidentin e Republikës së Francës Emmanuel Macron, Kancelarin e Republikës Federale të Gjermanisë Olaf Scholz, Kancelarin Federal të Republikës së Austrisë Karl Nehamer, Kryeministrin e Republikës Çeke Petr Fijala, Presidentin e Malit të Zi Jakov Milatoviq, si dhe përfaqësuesin e lartë të BE-së për Politikë të Jashtme dhe Siguri, Josep Borrell”, pretendohet në njoftim./Paparaci.com