Kryeministri i Shqipërisë, Edi Rama është deklaruar pas takimit të zhvilluar me presidentin serb, Aleksandar Vuçiq, gjatë Samitit të Komuniteteit Evropian, i cili po mbahet në Moldavi.
Rama me anë të një postimi në Facebook ka publikuar pamjet nga takimi. Thotë se konflikti në veriun e Kosovës duhet të zgjidhet në bashkëpunim me botën demokratike.
Po ashtu, ai deklaroi se duhet t’i jepet fund absurdit kërcënues dhe të shkohet drejt marrëveshjes finale mes Kosovë dhe Serbisë.
“Rajoni duhet të hyjë në një marrëdhënie të re me BE-në, ndërkohë që konflikti në Veriun e Kosovës duhet të zgjidhet krah për krah me botën demokratike, duke u dhënë fund absurdit kërcënues e duke finalizuar marrëveshjen e normalizimit dhe njohjes së ndërsjellë mes Kosovës e Serbisë”, shkroi ai.