Kryetari i ri i Komunës së Mitrovicës Veriore, Erden Atiq ka reaguar pasi dy shqiptarë ishin viktimë e dhunës nga protestuesit në veri, që Atiq i ka quajtur “grupe kriminale”.
Ai përmes një postimi në Facebook u shpreh që veprimet e tilla kriminale janë të papranushme dhe që qytetarët i përkasin këtij vendi dhe jo siç shprehet ai, bandave kriminale.
“Veprimet e tilla kriminale janë të papranueshme dhe të dënueshme. Qyteti ynë ju përket të gjithë qytetarëve dhe asesi bandave kriminale që tentojnë ta mbajnë dhunshëm kontrollin mbi të” ka thënë Atiq.
Atiq ka uruar shërim të shpejtë qytetarëve dhe ka kërkuar zbardhjen e rastit nga organet kompetente. /Paparaci.com/