Të fundit

Flasin kryetarët e komunave veriore pas paralajmërimit nga Osmani e Kurti për zgjedhje të reja

Presidentja e vendit, Vjosa Osmani, në takimin që pati me homologun e saj francez, Emmanuel Macron dhe kancelarin gjerman, Olaf Scholz, foli për mundësinë e zgjedhjeve të reja në veri të vendit.

“Ne i diskutuam të gjitha, përfshirë edhe mundësinë për mbajtjen e zgjedhjeve të reja, por natyrisht nëse ka participim”, tha Osmani.

Por, për një gjë të tillë, kryetari i Zubin Potokut, Izmir Zeqiri, tha se Osmani nuk është konsultuar me ta.

“Për mua interesi shtetëror dhe ai qytetar është parësor, por presidentja nuk na ka konsultuar paraprakisht për mundësinë e zgjedhjeve të reja”, tha ai.

E, qëndrim për këtë nuk pati kryetari i Zveçanit, Ilir Peci.

“Këtë s’e kemi menduar ende”, tha shkurtimisht Peci.

Klankosova ka tentuar të bisedojë edhe me kryetarin e Leposaviqit, Lulëzim Hetemi dhe atë të Mitrovicës së Veriut, Erden Atiq, por të njëjtit s’e kanë hapur telefonin.

Kujtojmë se dje kryeministri i vendit Albin Kurti tha se propozimi i tij është që nëse dhuna përfundon, zgjedhjet e reja mund të mbahen shumë përpara përfundimit të mandatit të mbetur dyvjeçar të kryetarëve të komunave.

Video nga Paradoks

Kush kënd e tradhëtoi? Dardan Molliqaj flet për largimin nga VV-ja, komenton edhe darkën e Kurtit me Memli Krasniqin - "Zgjedhjet janë dëshirë e Kurtit"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci