Sulmuesi argjentinas, Lionel Messi i ka thënë lamtumirë sot skuadrës së Paris Saint-Germain.
“Jam i lumtur që kam qenë në gjendje të përfaqësoj PSG-në – më pëlqeu shumë të luaja në këtë ekip dhe me lojtarë kaq të mirë. Dua të falënderoj klubin për një përvojë të mrekullueshme në Paris”, ka thënë Messi për ESPN, transmeton Paparaci.
Trajneri i PSG-së kishte konfirmuar largimin e Messit para disa ditëve, por ai ishte demantuar nga klubi francez.
Tashmë duket se aventura e Messit te Parisi ka marrë fund përfundimisht.
Nuk dihet ende nëse argjentinasi do të kthehet te Barcelona apo do ta vazhdojë karrierën në Arabinë Saudite prej nga ka marrë oferta tunduese.