Të fundit

Ish-deputeti Berisha tregon si ia liroi vendin Ukshin Hotit për kryetar të LDK-së në Rahovec

Ish-deputeti i Kuvendit të Kosovës i zgjedhur gjatë vitit 2004, Fetah Berisha i ftuar në emisionin “FAKTE me Adnan MEROVCIN” në Klan Kosova, ka rrëfyer detaje për degën e parë të Lidhjes Demokratike të Kosovës në Rahovec.

Ai tha se Kuvendi i parë historik-demokratik i Kosovës erdhi pas përgatitjes së Konferencës Themelore të LDK-së, Kuvend ky i cili kishte 113 delegatë.

“Konferenca Themelore e LDK-së e përgatiti Kuvendin e rregullt, Kuvendin e parë historik-demokratik të LDK-së. Kuvendi kishte 113 delegatë prej të gjitha nëndegëve në terren që ishin zgjedhur me votën e lirë të popullit. Kuvendi vazhdoi punën sipas rregullave”, tregoi ai.

Në këtë Kuvend, Berisha doli si më i votuari nga kandidatët për kryetar të degës së LDK-së në komunën e Rahovecit, por i njëjti vendosi që vendin e tij t’ia lirojë Ukshin Hotit.

“Kur Komisioni Zgjedhor në fund e dha rezultatin unë dola në Kuvend më i votuari. Ishim ulur afër me Ukshin Hotin. Ukshin Hoti ma zgjati dorën, sepse ishte parim kush fiton vota më shumë mund të jetë kryetar dege, ma shtriu dorën dhe më tha ‘urime Fetah’, unë nuk ia mora dorën, ia largova dhe u çova në këmbë pa më thirr askush, shkova në tribunë. U bë një heshtje, njerëzit janë frikësuar se mos po ndodh ndonjë përqarje apo diçka”, u shpreh ndër tjera Berisha.

Por, në të vërtetë qëllimi i tij ishte tjetër. Ai i bëri thirrje Kuvendit që në vendin e tij të zgjidhej për kryetar, Ukshin Hoti.

Video nga Paradoks

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci