Shoferi i Shemsi Sylës është shkarkuar nga puna, pasi zbuloi dy aksidentet e zv/ministrit me veturë zyrtare, për të cilat tregon se i kishte mbajtur të fshehura. Thotë se u largua padrejtësisht nga puna dhe kundërligjshëm. E akuzon zv/ministrin e Mbrojtjes për rrena e mashtrime. Në një rrëfim për Paparacin, ai tregon se qysh u fajësua dhe mbi të gjitha u kërcënua nga Syla që mos të shkojë në seli të LVV-së, ndonëse është anëtar aty tash e 12 vjet.
Besfort Veseli
Hetem Vrajolli, tash e tutje do të punojë si taksist, pasi ministri i Mbrojtjes, Armend Mehaj, e ka larguar nga puna pa ndonjë arsye.
Vrajolli, 57-vjeçar nga Prishtina, për gati dy vite shërbeu si shofer i zëvendësministrit të Mbrojtjes, Shemsi Syla. Tash më 5 korrik, atij iu kumtua vendimi i firmosur nga Mehaj se është liruar nga puna.
Ai, ka hedhur akuza ndaj ministrit Mehaj dhe zv/ministrit Syla. Në një rrëfim për Paparacin të enjten, Vrajolli tregon se nuk i është dhënë mundësia as që të ankohet për largimin e tij nga puna.
Thotë, se as arsyet nuk i di se pse më nuk do të punojë si shofer i zv/ministrit Syla. Ai pretendon se Syla ia ka shkaktuar dëme buxhetit të shtetit rreth tetë mijë euro, nëpërmjet dy aksidenteve të trafikut që thotë se i ka mbajtur “sekret”.
Bile, Syla siç shprehet Vrajolli, i kishte fshehur këto dy incidente. Pas një debati me të, Vrajolli thotë se Syla i ka treguar se më nuk i duhet si shofer.
“Vendimi që e ka bo Armend Mehaj, që e ka nënshkruar, as arsyet nuk është aty. As s’oshtë që kam drejt me u anku, kurrë vërejtje s’kam pasur”, thotë Vrajolli, i cili tregon se tash e tutje, po punon si taksi në një kompani private në Prishtinë.
“Por, pa iu rrejt Shemsi Syla, nuk e dini çka o e rreme”. Vrajolli shprehet se Syla është një person që e gjuan gurin, por e fsheh dorën. Ndërkohë, ministri Mehaj thotë se nuk ia ka hapur telefonin, për të marrë sqarime se pse e ka liruar ai nga puna, shkruan Paparaci.
“Ai është person që e gjuan gurin, e fsheh dorën. 23 muaj shofer I tij jam konë. E kam thirrë ministrin e mbrojtjes me ma sqaru, s ma qel telefonin , I kam shkru sms s’mu ka përgjigj. I kam thënë shefit të kabinetit, Hasan Hoxha, çoma email-in për çfarë arsye jam largu, ai tha se kam por vetëm ministri”, shtoi Vrajolli.
Vrajolli, thotë se nëse Mehaj merret me “rrenat e Sylës” që ka vendosur ta largojë nga puna, atëherë ai lë thotë se “unë i mbrojë rrencat”.
Për shkarkimin e tij nga puna, Vrajolli shpjegon se ka pasur komunikim personal me deputetin e LVV-së, Salih Zyba, por që ai nuk ia ka hapur më telefonin. “Ka thonë këqyri. Kurrfarë përgjigje s’më dha kurrkush”.
Paraprakisht, Vrajolli kishte qenë shofer i Mehajt më 2021, por pas dy muajsh tregon se ka dalë te Syla. Këtë të fundit thotë se kurrë nuk e ka njohur më parë. Syla thotë se e ka detyruar që të vozitë mbi 200km/h në Prishtina për në Shqipëri. Thotë se këtë e destinacion ka arritur për 35 minuta, pas kërkesës së Sylës.
Gjithashtu, Vrajolli thekson se Syla e ka kërcënuar atë që mos t’i afrohet selisë së Lëvizjes Vetëvendosje, pasi e ka të “ndaluar”.
“Ma ka bo ndalesë në LVV rreptësishtë, se jam kon anëtar u saj. Shkoj ia dorëzoj anëtarësinë Salih Zybës para Kuvendit. Me rrena s’mahet shteti. Nuk e di pse ma ka ndalu, ka thonë ‘sbon me të pa kurrkush ty’. Që 12 vjet në LVV, e ky me thonë po na pengon”.
Vrajolli, i cili tregon se tash e 12 vite është i anëtarësuar në Lëvizjen Vetëvendosje të Albin Kurtit, shpjegon se si zv/ministri Syla kishte tentuar t’i fsheh dy aksidentet që i kishte shkaktuar.
“Pas mos-marrëveshjeve me zv/ministrin, më 3 janar e ka marrë kerrin zyrtar dhe ka shkuar në fshat. Më 10 janar, ma ka kthyer veturën të bome aksident. Dhe e kam pyet, zv/ a je vra, ka thon jo un ë skam bo aksident, por ma kanë rrok djemt e vëllait a do katunar ti, po s’po me tregojë kush. I kam besu si zv/ministër që mua si shofer I tij, ma tregon të vërtetën”, thotë tutje Vrajolli.
Pas 30 ditësh, Vrajolli thotë se e kuptoi që Syla ka gënjyer dhe se ai ishte që e ka shkaktuar aksidentin në Graçanicë, raporton Paparaci.
Dhe pikërisht për këtë aksident, Vrajolli thekson se Syla nuk e ka lejuar që t’i binte kah Graçanica, sa herë që zv/ministri ka udhëtuar në vendlindjen e tij në Gjilan, Bresalc.
“Mas 1 muaji e kam marrë vesh që më ka rrejt, që kish bo aksident. Ke dashur ta fshehë aksidentin, është dash me më tregu (rreth aksidentit). Më ka rrejtur 1 muaj ditë, a ndeshje kish bo në Gracanicë. Dhe sa here e kam çu në Gjilan, në fshatin e tij Bresalc, s’më ka lënë me i ra kah Graçanica”.
Kur e ka pyetur se pse nuk i ka treguar për ngjarjen në fjalë, Vrajolli thotë se Syla i është drejtuar me fjalët “kush k*** je ti më të dhënë llogari?”.
Ai tregoi edhe rastin e dytë ku pretendon se Syla e ka dëmtuar veturën zyrtare sa ishte duke qëndruar në fshatin Zhegovc, të Gjilanit. Syla nuk ka qenë i qasshëm për Paparacin të enjten, për t’i komentuar akuzat e ish-shoferit të tij personal.
Në një moment, Syla ishte treguar “kapadai” duke i thënë Vrajollit se qysh ai “po ia kthen fjalën”, duke e ditur se është zv/ministër.
“Më 17 prill kemi shkuar në Zhegovc, e kemi marrë një person rrugës, Agim, (Syla) tha hin këtu, i kam thënë nuk bon, më ka thënë qysh po ma kthen ti mu fjalën, unë jam zv/ministër. Ka dalë i ka gra kerrit, e ka bo llom”.
“Edhe, tash kerri i ka lyp 7 mijë euro operatori që e ka tenderin. Masi e kemi çu në servis, edhe e kam marr edhe një golf 5, të parkuar në ministrinë e Mbrojtjes, kur kemi ardhur te Hotel Victoria, më ka thënë ti zbrit këtu, unë shkojë vetë në Bresalc, edhe atë e ka prishur, frenin e dorës”.
“Ka dashur ta fsheh rastin krejt. Edhe për aksidentin e dytë, I kam thonë thirre policinë, I kena thirrë fshatarët me na nxjerr me traktor. Edhe Golf 5 që ia ka djeg llamellën, edhe ai kushton 1 mijë euro. Komplet 8 mijë euro”, vijon Vrajolli.
Mes tjerash, ai kallëzon edhe një moment përplasjeje që e kishte me zv/ministrin Syla, pasi ankohej për fjalët fyese dhe të rënda që një nga asistentët e tij ia thoshte herë pas here.
“Kur i kam thënë zv/ministrit se asistentit tond me fjalë të rënda s’ta duroj, më ka thënë çka i bon, i kam thonë ta rrehi në zyre. Në zyrë jam shkuar më 27 qershor dhe më ka thënë Hetem deri më 30, pas 30 s’kam nevojë për shofer, e kam administratorin dhe shoferin”.
Për këto zhvillime, që kanë ndodhur përbrenda më pak se dy vitesh, Vrajolli beson se Syla e ka gënjyer Mehajn për rastin e tij.
“E di që edhe Mehajn e ka rrejt 100%. Mehaj është dashur me më thirrë, nëse un duhem me rrejt veç pse jam shofer i zv/ministrit, unë me rrejt nuk rrej. Kurrkujt s’i frikësohem. E kam një djalë me Sindrom Down, një 9 muajsh, gruaja s’më punon. Vetë punoj taksi. S’më ka dhënë afat për ankesë, është i jashtëligjshëm”.
Krejt në fund, ai shprehet i habitur se si Syla e “kishte gënjyer vazhdimisht”. “Kur më ka rrejt për aksident, mua kumedit çka është në gjendje me bo ai me shpëtu veten”.
“Unë me rrena s’kam qejf. Nëse një zv/ministër nuk e tregon vërtetën, ajo nuk peshon kurrgjë. Ma ka gërdit emrin Albin (Kurti), Shemsi Syla, edhe më qiti prej punës veç pse ia kam thënë të vërtetën”.