Një tentim-vrasje ka ndodhur të enjten në mes të ditës në Prishtinë.
Rreth orës 12:00, persona ende të panjohur për Policinë kanë gjuajtur nga një veturë në drejtim të një veture tjetër.
Katër gëzhoja ka gjetur Policia e Kosovës në vendin e ngjarjes.
“Njësitet policore pas pranimit të informatës për të shtëna me armë zjarri, kanë dalë në vendin e ngjarjes dhe kanë gjetur e konfiskuar 4 gëzhoja, të cilat dyshohet se kanë mbetur si pasojë e të shtënave me armë zjarri nga një veturë në drejtim të një veture tjetër, të cilat ishin larguar nga vendi i ngjarjes në drejtim të panjohur”, ka njoftuar policia.
Nuk raportohet për të lënduar, lidhur me rastin është informuar e konsultuar edhe prokurori.
Rasti është nën hetime në drejtim të veprës penale “Vrasje në Tentativë”.