Të fundit

Borrell do t’i njoftojë ministrat e Jashtëm të BE-së për takimin Kurti-Vuçiq

Kryediplomati i BE-së, Josep Borrell, ka bërë të ditur se sonte në Nju Jork të ShBA-së do të mbajë një takim joformal me ministrat e Jashtëm të shteteve që janë anëtare të BE-së.

Sipas tij, në këtë takim ministrat do t’i informojë edhe për atë çfarë ndodhi në takimin e 14 shtatorit të nivelit të lartë në kuadër të dialogut ndërmjet Kosovës dhe Serbisë.

“Unë do t’i informoj ministrat për takimin e fundit të nivelit të lartë të dialogut [Beograd-Prishtinë], me Kosovën dhe Serbinë, për të shpjeguar se çfarë ka ndodhur dhe për të parë zhvillimet e ardhshme të dialogut”, u shpreh Borrell.

Të enjten e kaluar, kryeministri i Kosovës, Albin Kurti dhe presidenti i Serbisë, Aleksandar Vuçiq, u takuan në Bruksel, në një takim të lehtësuar e ndërmjetësuar nga BE-ja.

Megjithatë, ai takim nuk solli rezultate. Pas atij takimi, Borrell ka thënë se Kurti nuk e ka pranuar propozimin e BE-së.

E, Kurti dhe Vuçiq akuzuan njëri-tjetrin për mungesën e rezultateve në atë takim.

Video nga Paradoks

Projekt super i veçantë: Prezantohet Marigona Sun, lagjja më luksoze në Kosovë…

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci