I dërguari i BE-së për dialogun mes Kosovës dhe Serbisë, Miroslav Lajçak, ka treguar se është takuar me presidentin e Serbisë, Aleksandar Vuçiq.

Me anë të një postimi në platformën X, ka treguar se kishte zhvilluar një diskutim “të rëndësishëm” me presidentin e Serbisë, rreth rrugës para në dialog në margjinat e Asamblesë së Përgjithshme të OKB-së.

“Ramë dakord për nevojën për të avancuar zbatimin e Marrëveshjes për Rrugën e Normalizimit dhe rëndësinë e uljes së tensioneve”, shkroi Lajçaku në postimin e tij.