Kryetari i Prishtinës, Përparim Rama, përmes një postimi në Facebook, ka njoftuar se Kazerma “Adem Jashari” do të kyçet në Termokos.

Ai ka thënë se kështu pjesëtarët tanë të Forcës së Sigurisë së Kosovës, do të marrin shërbimin e mjaftueshëm dhe cilësor të ngrohjes.

Tutje, Rama ka shtuar se kjo është arritur falë votave të këshilltarëve komunal që kanë votuar pro subvencionimit prej pesë milionë eurove në Termokos, që mundësojnë kyçjen e Kazermës.

“Veç ushtrisë tonë, nga ky subvencionim do të mundësohet edhe kyçja e “Banesave te Bardha”, lagjes “Kalabria” dhe ndërtesave shumë katëshe në lagjen “Lakrishte”, ka shkruar Rama.