Kryetari i Sindikatës së Policisë, Imer Zeqiri, ka thënë se, sipas një përllogaritjeje të tyre, me rreth pesë milionë euro në vit do të mund të rregullohej çështja e sigurimit shëndetësor për policët.

Ai ka thënë se “do të ishte nder” për cilëndo qeveri që do ta bënte një sistem të tillë të sigurimit shëndetësor. E ka cilësuar shumën prej pesë milionë eurosh si jo të papërballueshme.

“Do të ishte nder për secilën qeveri që ta bënte Policinë e Kosovës me sigurim shëndetësor. Ligji për sigurinë shëndetësore do të ishte nder. Për një vit, sigurimi shëndetësor mund të bëhet me rreth 5 milionë euro, për Policinë e Kosovës, nuk është një shumë e papërballueshme”, ka thënë ai.