Izraeli i ka kthyer të premten në Gaza qindra punëtorë palestinezë të cilët ishin mbajtur në një burg të udhëhequr nga Izraeli që kur nisi lufta Izrael-Hamas më 7 tetor.

Punëtorët ishin në mesin e mijëra punëtorëve të cilët, grupet izraelite të të drejtave të njeriut, besojnë se janë burgosur në Izrael që nga shpërthimi i luftës.

Ata thonë se disa nga punëtorët u arrestuan nga Izraeli pa akuza apo proces të rregullt.

Grupet e të drejtave të njeriut kanë thënë se punëtorëve iu janë hequr lejet e punës dhe çdo gjurmë e statusit të tyre është fshirë nga të dhënat zyrtare, duke i lënë ata të pambrojtur, siç thuhet, në kohën kur familjet e tyre në Gaza po durojnë bombardimet masive të Izraelit.

Disa nga ata që hynë në Gaza herët të premten thanë se ishin mbajtur në Ofer, një qendër paraburgimi e drejtuar nga Izraeli në Bregun Perëndimor të pushtuar.

Punëtorët zbritën nga autobusët pranë Gazës dhe ecën në skajin jugor të enklavës së rrethuar përmes pikës kufitare Kerem Shalom. /AP