Të fundit

Njësia Speciale proteston sërish para qeverisë: Zbardhen detajet

Pas protestës së 1 nëntorit, Njësia Speciale Intervenuese (NjSI) ka paralajmëruar protestë sërish më 7 nëntor, ditën e martë.

Njësia më elitare e Policisë së Kosovës ka dorëzuar paralajmërimin e protestës në stacionin policor “Qendra” në Prishtinë.

Në paralajmërimin e tyre bëhen të ditura detajet e protestës. Qëllimi kryesor i kësaj proteste është shprehja e pakënaqësisë lidhur me pagën, rrezikshmërinë dhe shtesat e tjera që iu takojnë pjesëtarëve të Policisë së Kosovës.

Protesta e organizuar nga Njësia Speciale Intervenuese do të mbahet në Sheshin Skenderbeu (para objektit të qeverisë). më 7 nëntor, me fillim nga ora 12:00.

Përpos NjSI në protestën e 7 nëntorit do të marrin pjesë edhe pjesëtarë të NjTME.

NjSI kishte protestuar edhe ditën e martë më 1 nëntor, mirëpo kërkesat e tyre nuk janë marrë parasysh.

Njësiti elitar i Policisë së Kosovës kishte shprehur pakënaqësitë lidhur me propozimin e qeverisë me shtesat e rrezikshmërisë.

Sipas propozimit të Qeverisë prezantuar javën e kaluar shtesat për njësitë elitare (Njësia Speciale Intervenuese, Njësia për Ndërhyrje të Shpejtë dhe Njësia për Mbrojtje të Afërt), janë nga 150 euro shtesë pagës bazë.

Video nga Paradoks

Kush kënd e tradhëtoi? Dardan Molliqaj flet për largimin nga VV-ja, komenton edhe darkën e Kurtit me Memli Krasniqin - "Zgjedhjet janë dëshirë e Kurtit"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci