Dy persona janë arrestuar nga Policia e Kosovës të enjten, pasi janë hasur duke i ndërruar shenjat e trafikut në Leshak të Leposaviqit.

Policia tha se dy personat nuk kishin autorizim për ndërrimin e shenjave.

“Njësitet policore pas pranimit të informatës se persona të panjohur (në magjistrale) janë duke i ndërruar shenjat e trafikut, kanë dalë në vendin e ngjarjes dhe kanë hasur dy persona të dyshuar meshkuj kosovarë të cilët nuk kishin dokumentacionin e duhur për të kryer punime dhe nuk ishin të regjistruar si kompani në institucionet përkatëse të RKS-së”, tha policia.

Të dyshuarit pas intervistimit, në konsultim me prokurorin janë liruar në procedurë të rregullt.

Rasti ndodhet në proces hetimor.