Shtëpia e djalit të një agjenti të lartë të Hollivudit është bastisur nga policia pasi trupi i copëtuar i një gruaje u gjet në një kazan pranë shtëpisë së tij.
Samuel Haskell Jr., 35 vjeç, u arrestua të mërkurën në një qendër tregtare në Topanga të Kalifornisë dhe është akuzuar për vrasje.
Gruaja e tij Mei Haskell, 37 vjeçe, është zhdukur dhe detektivët po përpiqen të zbulojnë nëse busti është i saj.
Prindërit e saj – të cilët jetonin me çiftin dhe tre fëmijët e tyre në Tarzana – janë gjithashtu të zhdukur.
Policia tani po kërkon për babanë e saj Gaoshan Li, 72 vjeç, dhe nënën, YanXiang Wang, 64 vjeç dhe veturën e tyre të zhdukur – një VW Tiguan i bardhë.
