Mërgim Berisha pritet të jetë jashtë fushës së blertë për disa muaj, për shkak të një intervenimi që është detyruar ta bëjë në gjurin e tij.

Skuadra e Bundesligës, Hoffenheim ka njoftuar të premten se Berisha ka këputur ligamentin kryqëzor të gjurit të djathtë në stërvitje dhe do të operohet.

“Ky është një lajm i keq. Mërgimi ka treguar përmirsim të madh së fundmi dhe ka treguar se mund të jetë opsion i fuqishëm për sulmin tonë”, ka thënë drejtori i Hoffenheimit, Pirmin Schëegler.

“Natyrisht, ne do ta përkrahim Mërgimin dhe shpresojmë që ai të kthehet në fushën e lojës sa më shpejtë që është e mundur”, ka shtuar ai.

Berisha, 25-vjeçar, u transferua te Hoffenheimi në verë nga Augsburgu dhe ka zhvilluar dhjetë ndeshje. Ai ka edhe dy paraqitje me Gjermaninë.