Të fundit

Malisheva synon daljen në Evropë me trajner e ri

Me trajneri e ri, Qëndrim Kida, të ardhur pas largimit të Senad Alirifës, Malisheva po synon që në fund të sezonit të sigurojë daljen në garat evropiane dhe deri më tani është në rrugën e duhur për ta arritur këtë objektiv.

Këtë synim e pranon hapur edhe vet trajneri Kida i cili për KosovaPress ka thënë se skuadra do të marr ndeshjet një nga një me synimin për të grumbulluar sa më shumë pikë dhe pastaj të bëhen vlerësimet në kohën e duhur.

“Synimet janë për t’i marr ndeshjet një nga një, për të marr pikë sa më shumë deri në janar dhe normal që ne besojmë se kemi kualitet për këto pozita ku jemi ndoshta edhe më lartë, mirëpo nuk duhet të ngutemi duke vendosur synime, e rëndësishme për ne është të punojmë jashtëzakonisht shumë, t’i marrim ndeshjet një nga një, të marrim sa më shumë pikë sa të na jepet mundësia edhe këto ndeshje dhe pastaj në janar të ulemi dhe t’i shqyrtojmë probleme dhe përparësitë ku i kemi në mënyrë që të kemi paraqitje në të ardhmen sa më të mirë dhe më të sigurt.”, tha Kida.

Për ta arritur këtë qëllim, Kida thotë se skuadra ka nevojë për përforcime në disa pozicione të cila mund të vijnë në afatin kalimtar të janarit.

“Gjithsesi ne kemi një ekip të ri, një ekip kualitativ, mirëpo kemi nevojë për konkurrencë në disa pozita, kështu që mendojmë t’i përfundojmë këto ndeshje pastaj të ulemi dhe t’i shqyrtojmë nevojat ku kemi për të reaguar.”, theksoi Kida.

Që Malisheva ka kualitete për ta synuar Evropën e thotë edhe supertalenti i skuadrës, Drilon Hazrollaj. Ai thotë se lojtarët po japin maksimumin për ta arritur këtë objektiv.

“Për momentin jemi mirë, kemi mundur të fitojmë më shumë pikë sepse kemi bërë një lojë shumë të mirë, por ky është futbolli. Ne jemi duke punuar mjaftë që t’i arrijmë objektivat tona…Patjetër që synohet më shumë, ne kemi një ekip të mirë dhe do të arrijmë sa më lartë. Ky nuk është kapaciteti i Malishevës, kemi më shumë kapacitet, por për momentin kanë ndodhur disa faktorë të tjerë dhe kjo është arsyeja.”, ka thënë Hazrollaj.

Mbi të ardhmen e tij, Hazrollaj deklaroi se është i fokusuar plotësisht te Malisheva, por pranon që e ardhmja mund te sjellë ndryshime.

“Ky është më i ulët mund të them për mua. Unë do të arrij sa më lart dhe kapaciteti është më i madh dhe shpresoj që me lojërat e ardhshme të tregoj edhe më shumë kapacitet…Për momentin jam te Malisheva, jam i fokusuar këtu dhe do ta shikojmë në të ardhmen”, ka deklaruar Hazrollaj.

Ndërkohë, kapiteni Dren Kryeziu shprehet i bindur se skuadra tashmë po luan për vitin e tretë në Superligë dhe se përvoja e fituar është një armë e fortë për të arritur synime më të mëdha në këtë edicion.

“Pritshmëritë kanë qenë që të jemi në top katërshe dhe ta synojmë Evropën, për momentin jemi aty dhe shpresoj që të mos ndalemi dhe ta arrijmë objektivin të cilin e ka klubi…Është viti i tretë dhe mendoj që e kemi arritur përvojën e duhur dhe tashmë është momenti që mos të mendojmë për rënie nga liga por ta synojmë Evropën.”, theksoi kapiteni i të kaltërve.

Ndryshe, skuadra e Malishevës dy javë më p[arë është kthyer të luajë para tifozëve të saj në stadiumin “Liman Gegaj” pas intervenimeve që janë bërë në fushën e gjelbër si dhe në ndërtimin e tribunës së re për tifozët./KP

Video nga Paradoks

Projekt super i veçantë: Prezantohet Marigona Sun, lagjja më luksoze në Kosovë…

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci