Të fundit

Nga IKSHP’ja flasin për ndikimin që ka mangani në shëndet, çfarë ndodhë kur është në vlera të larta

Vlerat e manganit në Liqenin e Badocit janë në rënie, por uji ende s’mund të përdoret për pije, thonë nga Instituti Kombëtar i Shëndetësisë Publike.

Burbuqe Nushi nga IKSHP ka deklaruar se meqë vlerat janë në rënie, beson se shpejt do të arrihen vlerat normale, që parashihen edhe me Udhëzimin Administrativ.

Ajo ka folur edhe për ndikimin që ka në shëndet mangani. Në vlera të ulëta, thotë se është i nevojshëm për rritje dhe zhvillim, por që në vlera të larta ndikon kryesisht në sistemin nervor qendror.

“Në bazë të trendit të uljes së vlerave të manganit, besoj se shpejt do të eliminohet mangani dhe do ta arrijë kuotën apo vlerën 0.05 mg për litër. Mirëpo, mbetet ende të monitorohet. Mangani është një element kimik, apo ma mirë me thanë metal, i llogaritur apo i klasifikuar te metalet e rënda. Në anën tjetër i ka dy dy drejtime në ndikimet në shëndet.

Si metal esencial, në vlera të ulëta, është i nevojshëm për rritje dhe zhvillim. Gjithkund ndodhet mangani. Edhe në ushqim, edhe në ajër, edhe në ujë. Është një prej metaleve më së shumti i shpërndarë në tokë. Vlerat prej 0.05 na orientojnë se nuk ka ndikim të dëmshëm në shëndet, mirëpo në anën tjetër ndikon në rritjen dhe zhvillimin tonë. Çdo vlerë që i tejkalon vlerat e parapame, si metal i rëndë shndërrohet në toksicitet, atakon kryesisht sistemin nervor qendror, mirëpo mund t’i prek edhe funksionet e tjera të organizimit”, ka thënë Nushi.

Video nga Paradoks

"Prej jashti s'keni pa": Fisnik Ismaili flet për Shpend Ahmetin e Përparim Ramën - "Goditjet i kanë ardhë nga VV"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci