Ish-aktivisti i Lëvizjes Vetëvendosje, Naim Ramizi, i ftuari i radhës në emisionin “Paradoks me Vehbi Kajtazin”, ka folur për Albin Kurtin, duke e cilësuar si vizionar politik.

Gjatë intervistës, ai është shprehur se në vitin 2007, Albin Kurti ka qenë vizionar politik, që tashmë është dëshmuar si i tillë.

Ai ka treguar, se në atë kohë, Kurti e kishte vizatuar para aktivistëve në një tabelë një vijë të drejtë ku në njërën anë ishte Serbia e në tjetrën Kosova, duke thënë se të dy shtetet do nisen drejt njëri tjetrit, dhe do na kërkohet të bëhen compromise.

“Albin Kurti del e vizaton një vijë ku në njërën anë është Kosova e në tjetrën anë Serbia, duke thënë se pastaj neve ka me na u kërku të bëjmë kompromise dhe prapë Serbia nuk ka me e zgjat”, është shprehur ai.

Tutje, Ramizi është shprehur se nuk ka besuar kurrë që do vijë koha ku Kurti do ja vëjë kapakun kësaj çështje me Serbinë.