Deputeti i Grupit Parlamentar të Vetëvendosjes, nga lista Guxo, Haxhi Avdyli, thotë se fusha e stadiumit “Fadil Vokrri” është imazhi më i keq që i servohet botës për shtetin e Kosovës.

Kështu shprehet deputeti teksa po luhet pjesa e dytë e ndeshjes Kosovë-Izrael.

Sipas tij, është e pakuptueshme se si që 23 vjet pas çlirimit nuk është ndërtuar një fushë futbolli e cila nuk shëndrrohet në moqal sapo bie shi.

Postimi i tij i plotë:

E kuptoj që skemi pas buxhet ta ndërtojmë një stadium olimpik, por që 23 vjet pas çlirimit nuk kemi mundur ta bëjmë bile një fushë futbolli që nuk shëndrrohet në moqal sapo bie një shi kjo asesi të kuptohet.

Shi bie edhe më shumë në Evropë, po kësi fushë moqali nuk sheh as në stadiumet e ligave të katërta.

Kjo fushë është imazhi më i keq që servohet botës për shtetin të Kosovës.

Sportistat tanë po luajnë në ligat më të forta Evropiane, e infrastruktura jonë sportive e mjerueshme.

E pafalshme…