Sulmuesi i Kosovës, Milot Rashica ka deklaruar se do të bëjnë çmos që ta mbyllin sa më mirë kampanjën kualifikuese për Kampionatin Evropian.

Kosova shënoi fitoren e dytë në kuadër të kualifikimeve, duke mposhtur sot Izraelin me rezultat 1:0.

Golashënuesi i fitores së Kosovës u shpreh mjaft i lumtur me fitoren e dytë, ndërsa ka shtuar se do të bëjnë çmos për të mposhtur edhe Zvicrën e Bjellorusinë.

“Është kënaqësi e madhe me shënu me kombëtaren, por jemi duke provuar të bëjmë lojë sa më të mirë. Kryesorja është që fituam tre pikë dhe të gjithë jemi të lumtur. Fusha ishte e rënduar pak sot. Nuk kemi çfarë të humbin do të provojmë t’i fitojmë të dyja ndeshjet është mëkat i madh që po e humbim këtë shans kaq të madh për kualifikim”, tha Rashica.