Policia e Kosovës ka raportuar se në Ferizaj, tre policë kanë pësuar lëndime, pasi janë goditur nga një veturë që ishte në lëvizje, dhe në të ishin tre persona.

Në raport thuhet se policët kishin dhënë urdhër tek të dyshuarit që të ndaleshin, dhe duke u larguar, kanë goditur zyrtarët policorë.

Poashtu, tre të dyshuarit, gjatë largimit kanë shkaktuar aksident dhe e kanë braktisur veturën.

Gjatë kontrollit në veturën e braktisur janë gjetur dhe konfiskuar 4.1 gr marihuanë dhe 0.2 gr kokainë, kurse nuk raportohet për të arrestuar.