Portieri premtues i TSV Munchen, Miran Qela është ftuar te Kosova U-19 për ndeshjet kualifikuese të Kampionatit Evropian.

Qela, 16-vjeçar është pjesë e skuadrës së njohur gjermane TSV 1860 që garon në Bundesligën U-19.

Ai shihet si njëri nga talentët e së ardhmes, teksa së fundmi është ftuar nga trajneri Adil Maliqi te Kosova U-19.

Kosova do të zhvillojë tri ndeshje kualifikuese për Kampionatin Evropian.

Më 15 nëntor do të përballet me Sllovakinë, më 18 nëntor me Ukrainën dhe më 21 nëntor do të ballafaqohet me Maltën.