Ndërmjetësuesit e Katarit po kërkojnë që të bëjnë një marrëveshje midis Hamasit dhe Izraelit që përfshin lirimin e rreth 50 pengjeve civile nga Gaza në këmbim të një armëpushimi tre-ditor, i tha Reuters një zyrtar i informuar mbi negociatat, transmeton Klankosova.tv.
Marrëveshja, në diskutim, e cila është koordinuar me ShBA-në, do të bënte që Izraeli të lirojë disa gra dhe fëmijë palestinezë nga burgjet izraelite dhe të rrisë sasinë e ndihmës humanitare të lejuar në Gaza.
Kjo do të shënonte lirimin më të madh të pengjeve të mbajtura nga Hamasi që kur grupi militant palestinez shpërtheu mbi kufirin e Gazës, sulmoi pjesë të Izraelit dhe mori pengje në enklavë.
Hamasi ka rënë dakord me kushtet e përgjithshme të kësaj marrëveshjeje, por Izraeli jo dhe është ende duke negociuar detajet, tha zyrtari.
Nuk dihet se sa gra dhe fëmijë palestinezë do të lirojë Izraeli nga burgjet e tij si pjesë e marrëveshjes në diskutim.