Deputetja e LDK-së, Rrezarta Krasniqi, sot gjatë seancës ka thënë se Kosova është edhe më keq se sa ka qenë, edhe pse buxheti është më i lartë për 100 milionë euro.

Sipas saj, pushtetarët e kanë harruar që 10% e familjeve kosovare jetojnë me më pak se 2 euro në ditë.

Krasniqi ka përmendur dhe mosrritjen e pagave, pensionet dhe ka ironizuar dhe me “xhipat e zi” të pushtetit që dikur i kritikonte pushtetet e kaluara.

Deputetja mes tjerash ka përmendur edhe mosndarjen e barabartë për komunat duke favorizuar siç thotë ajo komunat ku qeverisë partia në pushtet.