Faqja e specializuar e statistikave dhe transferimeve, Transfermarkt ka bërë sot përditësimin e fundit në Superligën e Kosovës, duke vendosur vlera të reja për klubet dhe futbollistët.
Vlera e Superligës së Kosovës është rritur ndjeshëm në krahasim me vitin e kaluar. Nga 21 milionë sa vlente vitin e kaluar, tashmë vlera e Superligës së Kosovës është rreth 27 milionë euro.
Klubi më i vlefshëm në elitën e futbollit kosovar është kampioni i Kosovës, Ballkani, që sipas Transfermarket vlen 6.93 milionë euro.
Përpos klubeve, Transfermarket ka bërë përditësimin edhe të futbollistëve. Futbollisti më i vlefshëm në Superligën e Kosovës llogaritet të jetë mbrojtësi i Ballkanit, Lumbardh Dellova.
Dellova vlen plotë 600 mijë euro dhe vlera e tij është në rritje. Pas Dellovës më i vlefshmi Bejtulahi i Gjilanit me vlerë të njëjtë sikurse Dellova, ndërkaq vendin e tretë e mban Emërllahu me 550 mijë euro.
