Gregor Kobel, portieri i kombëtares zvicerane dhe një nga më të mirë në Evropë, nuk është i gatshëm të luajë kundër Kosovës të shtunën.

Të martën, trajneri i kombëtares zvicerane, Murat Yakin tha se Gregor Kobel do të luante për Zvicrën kundër Kosovës të shtunën.

Megjithatë, kjo nuk do të ndodhë. Portieri i Dortmundit do të jetë jashtë për shkak të lëndimit.

“Gregor Kobel është jashtë për shkak të problemeve muskulare. Ai do të qëndrojë me ekipin deri të dielën dhe më pas do të kthehet në klubin e tij”, tha Federata zvicerane e futbollit.

Portieri i Young Boys, Anthony Racioppi është thirrur në vendin e Kobel.

Kjo do të thotë se Yann Sommer do të ruajë portën e Zvicër kundër Kosovës.