Të fundit

Diplomati kosovar në Beograd: Serbia nuk më ofron më siguri fizike, çfarëdo që mund të më ndodhë janë përgjegjës

Sekretari i Parë i Zyrës Ndërlidhëse të Kosovës në Beograd, Fatmir Haxholli, ka thënë se Serbia në shkelje flagrante të marrëveshjes së Brukselit ka ndaluar së ofruar siguri fizike për të 24/7. Përveç kësaj Haxholli ka thënë se Serbia s’do të ofrojë as siguri mobile.

Ai në një postim në profilin e tij ka thënë se çfarëdo që mund t’i ndodh gjatë shërbimit në Serbi është përgjegjësi e drejtpërdrejtë e Serbisë.

Haxholli ka shtuar tutje se kjo krijon precedent dhe thekson se ndjehet se s’është i mbrojtur as nga Marrëveshja e Brukselit si instrument ndërkombëtar.

Reagimi i plotë:

Dëshiroj ta ndaj edhe publikisht, që në shkelje flagrante të marrëveshjes së Brukselit, Serbia ka ndaluar së ofruari siguri fizike 24/7 për mua si zyrtar/diplomat, dhe poashtu nuk ofron as siguri mobile. Pavarësisht ankesave dhe kërkesave kjo praktikë po vazhdon. Çfardo që mund të më ndodh gjatë shërbimit tim në Serbi – mes tjerash – është përgjegjësi e drejtëpërdejtë e Serbisë!

Për më shumë, kjo krijon një precedent të rrezikshëm, andaj më duhet ta them se ndjej, se tani e tutje se nuk jam i mbrojtur as i mbuluar nga Marrëveshja e Brukselit si instrument ndërkombëtar.

Sigurisht që këtij vendi nuk i kovenon ndonjë prezencë diplomatike e Republikës së Kosovës në Beograd, dhe aq më pak ngritja e statusit diplomatik siç parashihet sipas marrëveshjës për njohje de facto. Sidoqoftë kamuflimi i veprimeve kundër Zyrës nga institucionet e këtij vendi, me potencial rrezikshmërinë dhe ekspozimin tim fizik dhe ligjor, është diçka që Kosova nuk duhet ta pranoj!

Video nga Paradoks

"Jam politikani i parë që jam deklaru publikisht që jam ateist": Dardani flet gjerësisht për bindjet e tij e hoxhallarët, bën krahasimin me vende tjera - "Bota kish qenë ma e mirë"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci