Prokuroria Speciale e Kosovës është duke kryer aksion në disa lokacione në komunat veriore të Kosovës.

Burime i kanë thënë Kohës se ky aksion ka të bëjë me disa zyrtarë doganier të cilët dyshohen për keqpërdorim të detyrës zyrtare.

Gjithashtu është mësuar se deri tani janë arrestuar katër zyrtarë të Doganës.

Aksioni i Prokurorisë është duke u asistuar nga Policia e Kosovës dhe është ende duke vazhduar.