Simpatizantë të Lidhjes Demokratike të Kosovës janë parë te “Pallati i Rinisë”, menjëherë pas rizgjedhjes së Lumir Abdixhikut në krye të partisë.
Aty në ora 17:00 do të mbahet Konventa Programore ku do të shpalosen 100 zotimet e “Rrugës së re”.
“Rruga e Re po nis! 100 zotimet e publikuara tashmë e të punuara detajisht për muaj të tërë, do të shpalosen në Konventën Programore, të dielën, me datë 19 nëntor 2023, në orën 17:00, në Sallën e Sporteve/Pallati i Rinisë”, thuhet në njoftim.
Në Kuvendin Zgjedhor të mbajtur sot është miratuar programi “Rruga e Re” që është paraqitur nga kryetari i rizgjedhur i LDK-së.
Në Kuvendin e 10-të Zgjedhor, Abdixhiku siguroi drejtimin e patisë më të vjetër në vend edhe për katër vjet./Paparaci
