Kristjan Asllani ishte një nga futbollistët më të spikatur të Kombëtares, në barazimin 0-0 ndaj Ishujve Faroe.
Pavarësisht se pati gabime të shumta në pasimin e topit, Asllani u përpoq maksimalisht që të udhëhiqte mesfushën kuqezi. Në prononcimin e dhënë pas ndeshjes për mikrofonin e “TV KLAN”, Asllani u shpreh:
“Kur ekipet luajnë 5-4-1 është e vështirë. Humbasim shumë topa, sepse kërkojmë zonën. E di që kam gabuar shumë topa, rëndësi ka qe morëm këtë pikë për vendin e parë dhe duhet të punojmë shumë.
Nuk ka mësim nga ndeshje e sotme, të gjitha ekipet luajnë për të fituar. Kam bezdi që kemi barazuar këto 2 ndeshje, sepse luaj gjithmonë për të fituar. Jam i lumtur që u kualifikuam.
Nuk dua Italinë në grup, jam i lumtur edhe për ta, kam vajtur që 2 vjeç në Itali, kam shumë shokë që luajnë atje”, deklaroi Asllani.