Kandidati i pavarur për kryetar të Skenderajt, Bekim Jashari ka bërë homazhe para se t’i drejtohet kutive të votimit.
Me këtë rast ai ka thënë se po bëjnë homazhe pasi që fal dëshmorëve ne sot jetojmë të lirë.
E në këtë mënyrë sipas tij do t’i tregojnë gjeneratave të reja që duhet ta respektojnë të kaluarën çdo ditë.
Ndërsa, ai tregoi se pas homazheve do të shkojë për të votuar në shkollën fillore “Ilir Lushtaku” në Prekaz të Poshtëm.
“Arsyeja është se fal këtyre dëshmorëve ne sot jetojmë të lirë, punojmë, krenohemi që kem shtetin tonë, ne sot duhet ta nderojmë e respektojmë të kaluarën tonë, që t’i tregojmë gjeneratave të reja që në çdo ditë duhet ta respektojmë të kaluarën”, tha ai.