Të fundit

Mbrojtja e Veselit: Klienti ynë nuk ka cenuar identitetin e dëshmitarëve

Mbrojtja e Kadri Veselit ka kundërshtuar siç kanë thënë pretendimet e prokurorisë për bisedat e përgjuara në Qendrën e Paraburgimit në Hagë. Sipas mbrojtjes së Veselit, bisedat janë shtrembëruar nga ana e prokurorisë dhe sipas tyre bazohen në supozime, thashetheme e deklarata mashtruese.

Mbrojtja e Kadri Veselit ka kundërshtuar sipas tyre pretendimet e prokurorisë rreth bisedave të përgjuara në Qendrën e Paraburgimit në Hagë, duke thënë se bisedat e Veselit janë paraqitur në mënyrë të shtrembëruar nga ana e prokurorisë, bazohen në supozime, thashetheme dhe deklarata mashtruese.

Po ashtu, mbrojtja e Veselit konstaton se klienti i tyre në asnjë moment nuk ka cenuar identitetin e dëshmitarëve apo dëshmitë e tyre dhe në asnjë mënyrë nuk ka penguar procedurat pranë Dhomave të Specializuara.

Në shkresën e Ben Emmerson, thuhet se në fakt Veseli ka bërë të kundërtën e asaj që pretendon prokuroria.

“Zyra e Prokurorit të Specializuar nuk ka paraqitur asnjë provë se Veseli ka bërë përpjekje për të ndërhyrë në drejtësi apo penguar procedurat”,

Avokati i Veselit, Ben Emmerson, thotë se nga volumi i madh i provave që ka dhënë prokuroria, Veseli vetëm sa thekson rëndësinë e parimit themelor që askush nuk duhet t’i qaset asnjë dëshmitari, pasi kjo do ta dëmtonte atë, në vend që ta ndihmonte.

“ZPS-ja ka paraqitur një pamje të shtrembëruar, pa identifikuar qartë se çfarë pretendon, se z. Veseli ka bërë gabim. Në fakt, shqyrtimi i plotë i materialit të shpalosur dëshmon përfundimin e kundërt nga rasti i paraqitur nga SPO kundër z. Veseli”.

Emmerson përgjimin në dhomat e Qendrës së Paraburgimit në Hagë e ka quajtur si mënyrë klandestine nga SPO, duke dëshmuar se si në tri raste nuk qëndrojnë aspak pretendimet e prokurorisë.

“Sa i përket dërgimit të mesazheve nga qendra e paraburgimit, Veseli thjesht thotë që “secili ka grupin e vet të avokatëve dhe ju betohem, nuk ka arsye për të dërguar mesazh nga ky vend… Jo, sepse jam duke folur, por nuk ka asgjë për të … çfarë do të thuash?” Ai paralajmëroi në mënyrë specifike një nga vizitorët e tij: “Mbani distancë! Edhe nëse keni dëgjuar ndonjëherë për dikë që do të vijë të dëshmojë këtu; edhe nëse dikush vjen dhe të thotë ‘Unë jam [dëshmitar]’, mund t’i thuash thjesht ‘thuaj të vërtetën’, ‘vetëm mos gënje’, thjesht mos gënje. Nëse nuk gënjejnë, do të jemi mirë, sepse realiteti i UÇK-së është i tillë. Kjo është. Nuk ka nevojë të bëhet asgjë”, është shprehur mbrojtja.

Më tej mbrojtja e Veselit ka thënë se akuzat kundër secilit të akuzuar duhet të zbërthehen dhe të merren parasysh veçmas para se të konfirmohet ndonjë masë administrative ndaj ndonjërit prej tyre.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci