Të fundit

Krasniqi: Prizreni është rikthyer në një model të qeverisjes së mirë

Kryetari i Partisë Demokratike të Kosovës, Memli Krasniqi, ka vizituar sot qytetin e Prizrenit, për të parë nga afër punët, përmes të cilave kryetari Shaqir Totaj me ekipin e tij janë duke transformuar kryeqytetin historik e kulturor.

Ai aty tha se modeli i qeverisjes së mirë, të cilën Totaj e ka instaluar në Prizren, është modeli që PDK-ja i ofron Kosovës.

“Prizreni, me qeverisjen e Kryetarit Totaj, është rikthyer në një model të qeverisjes së mirë. Ky është modeli të cilin ne ia ofrojmë qytetarit të Kosovës edhe në nivelin qendror. Ky është modeli që i duhet Kosovës, i cili, fatkeqësisht, sot po i mungon shumë vendit tonë. Ky është modeli që kryen punë, i mban premtimet dhe është në shërbim të qytetarëve. Këtë model, ne jo vetëm që do ta ofrojmë dhe do ta promovojmë, por edhe do ta zbatojmë në të ardhmen”, deklaroi Krasniqi.

Shefi i PDK-së, i shoqëruar nga Totaj, përcolli nga afër punimet në transitin e ri, një projekt infrastrukturor që kishte qenë i bllokuar për më shumë se 15 vite, ndërsa sot është i përfunduar dhe po shfrytëzohet nga qytetarët.

Gjatë kësaj vizite, Krasniqi mori pjesë edhe në nisjen e punimeve për revitalizimin e rrugës “Shuaib Spahiu”, e cila do të lidhet me Shatërvanin, për t’i dhënë një tjetër pamje të bukur Prizrenit, thuhet në njoftimin e PDK-së.

Kryetari i Prizrenit, Shaqir Totaj, tha se ekipi të cilin ai e udhëheq, është i përkushtuar që të bëjë punë të mira, të transformojë qytetin dhe të përmirësojë cilësinë e jetesës së qytetarëve të Prizrenit.

“Prizreni është shndërruar në një qytet ku vazhdimisht po punohet. Projekti ynë i radhës është revitalizimi i infrastrukturës së pjesës së vjetër të qytetit. E gjithë kjo pjesë do të lidhet me Shatërvanin, duke u bërë një zonë e bukur turistike. Përmes zhvillimit të turizmit, do të ngrisim edhe ekonominë në qytetin tonë”, ka thënë Totaj.

Kryetari i PDK-së, Memli Krasniqi dhe kryetari i Prizrenit, Shaqir Totaj vizituan edhe Shoqërinë Kulturore Artistike “Agimi”.

Krasniqi uroi trupën e valltarëve të SHKA ”Agimi” për pozitën e tretë në festivalin më të madh botëror të valleve “Cheonan World Dance Festival” në Korenë Jugore.

Ndërsa kryetari i SHKA “Agimi”, Festim Bytyqi, falënderoi kryetarin Totajn për plotësimin e të gjitha premtimeve dhënë kësaj shoqërie, madje edhe më shumë.

Në fund të vizitës së tij në Prizren, Krasniqi takoi edhe një grup të bujqve dhe fermerëve të këtij qyteti.

Sipas njoftimit të PDK-së, aty u diskutua për sfidat me të cilat ata janë ballafaquar gjatë këtij viti në kultivimin dhe shitjen e produkteve të tyre.

“Bujqit falënderuan qeverisjen lokale për mbështetjen e parezervë, nga furnizimi me mekanizma bujqësorë deri te subvencionet e ndryshme për zhvillimin e veprimtarisë së tyre”, ka thënë PDK-ja në njoftim.

Video nga Paradoks

Ekskluzive: I kërkuar nga Interpoli për vr’asjen që tronditi Norvegjinë - misteri i njeriut që sillej në Ferizaj me katër identitete të rreme

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci