Të fundit

Klopp nervozohet me pyetjen e gazetarit, e quan injorant drejtuesin e emisionit

Trajneri i skuadrës së Liverpool, Jurgen Klopp nuk arriti ta festonte si duhet fitoren ndaj Sheffield United pasi që ai pati një përplasje pas ndeshjes me gazetarët.

Marcus Buckland, i Amazon Prime Sport, shkaktoi reagimin e Kloppit, kur e pyeti me shaka se cili është orari i preferuar për gjermanin për ndeshjen e ardhshme, pasi ky i fundit vazhdimisht ka theksuar se nuk i pëlqen orari i mesditës, 13:30 (12:30 në Britaninë e Madhe), pasi pikërisht në këtë orar Liverpuli do të luajë kundër të shtunën.

Buckland e pyeti Kloppin: “Orari juaj i preferuar për ndeshje?”

Ndërsa Klopp u përgjigj: “Shkëlqyeshëm, është shumë mirë që bëtë një shaka për këtë. Ne po shkojmë në shtëpi, nuk e di kur do të arrijmë atje, ndoshta në ora 1 ose 2 pas mesanate, dhe ndeshja vjen pasi të arrijmë të bëjmë ndoshta dy stërvitje. Është në rregull të luajmë përsëri pasi të pushojmë. Është e njëjta gjë me Crystal Palace. Por unë e kuptoj që ju nuk e kuptoni edhe pse punoni në futboll, kështu që pse të shqetësohem t’ju shpjegoj përsëri”.

Më tej trajneri gjerman e quajti injorant gazetarin që i bëri pyetjen.

“Nëse po tallesh me këtë, atëherë je një injorant. Por është në rregull, futbolli është argëtues, gjithçka është në rregull”, u shpreh trajneri i Liverpoolit. Gazetari u përpoq t’i kërkonte falje dhe t’i shpjegonte se nuk kishte për qëllim ta përçmonte.

“Ti e ke bërë tashmë”, u përgjigj Klopp, për të cilën Buckland kërkoi sërish falje.

“Gjithçka është në rregull. Mund të thuash çfarë të duash vetëm sepse unë nuk mund të them gjithçka që dua. Kjo do të ishte ndryshe”, vazhdoi Klopp.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci