Të fundit

SBAShK: Edhe këtë vit, qeveria vazhdoi me qasjen e gabuar ndaj sindikatave

Këshilli Drejtues i SBAShK-ut ka mbajtur takimin përmbyllës duke analizuar aktivitetet e zhvilluara e duke bërë planifikime të veprimtarive sindikale në vitin 2024.

Përfaqësuesit e të punësuarve, që nga çerdhet e deri në universitete, kanë vlerësuar se viti 2023 ishte me plot sfida, por edhe me arritje të shumta.

Kryetari i SBAShK-ut, Rrahman Jasharaj duke prezantuar raportin e punës, ka deklaruar se “fatkeqësisht edhe në vitin 2023 Qeveria Kurti e në këtë kuadër edhe ministrja Nagavci kanë vazhduar me qasjen e gabuar ndaj sindikatave dhe i kanë ikur dialogut të mirëfilltë për çka përmes shkresave janë kritikuar edhe nga Unioni i Sindikatave të Arsimit të Evropës (ETUCE), që numëron 11 milionë anëtarë dhe Internacionales Botërore të Arsimit (EI), që numëron 32 milionë anëtarë”.

Jasharaj ka thënë se qeveria sivjet ka pasur tendenca për shuarjen e sindikatave “përmes pengesave të regjistrimit në e-Kosova, por u ka shkuar huq”, sepse “shumica e të punësuarve në arsim kaloi këto barriera duke dëshmuar se janë bashkë e në SBASHK”.

Kreu i Sindikatës së Bashkuar të Arsimit ka thënë se veprimtarët sindikalë dhe stafi qendror kanë arritur të realizojnë detyrat e planifikuara për vitin 2023.

Anëtarët e Këshillit Drejtues të SBAShK-ut kanë theksuar se punëtorët e arsimit falë Kontratës Kolektive të Arsimit kanë realizuar përmes gjykatave benifite të shumta, që u ka krijuar kjo Kontratë.

Këshilli Drejtues e shpalli Ymer Ymerin, koordinatorin për organizim të brendshëm, sindikalist të vitit në SBAShK ndërsa sindikatat e Kosovës në kuadër të BSPK-së e shpallën sindikalist të vitit në nivel vendi kryetarin e SBAShK-ut, Rrahman Jasharajn.

Video nga Paradoks

Ekskluzive: I kërkuar nga Interpoli për vr’asjen që tronditi Norvegjinë - misteri i njeriut që sillej në Ferizaj me katër identitete të rreme

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci