Të fundit

AGK-ja kërkon nga Policia ta hetojë sjelljen e mbrojtjes së afërt të Kurtit ndaj gazetares Dalloshi

Asociacioni i Gazetarëve të Kosovës e ka dënuar sjelljen e mbrojtjes së afërt të kryeministrit Albin Kurti ndaj gazetares së “TV Klan”, Blerta Dalloshi-Berisha.

AGK-ja e ka publikuar fotografinë ku shihet pengimi i gazetares nga mbrojtja e afërt, për çka sipas AGK-së është i papranueshëm dhe ndikon në rritjen e pasigurisë për komunitetin medial.

“Në videon e publikuar nga kolegia, Dalloshi – Berisha, shihet një nga pjesëtarët e mbrojtjes së afërt duke kapur dhe shtyrë nga dora gazetaren, teksa ajo përpiqet ta bëjë një pyetje për kryeministrin. Maltretimi në formë të tillë i gazetarëve është i papranueshëm, dhe ndikon në rritjen e pasigurisë për komunitetin medial në Kosovë”, thuhet në njoftim.

AGK-ja më tej ka kërkuar nga Policia që të hetojë sjelljen e personit në fjalë dhe gjithashtu nga kryeministri që të dënojë këtë sjellje dhe të mundësojë që gazetarët të bëjnë pyetjet në interes të publikut.

Dalloshi-Berisha e ka publikuar videon duke thënë se përgjatë 22-vjetëve të saj si gazetare, asnjëherë nuk ka pasur përvojë të tillë me mbrojtje të afërt të kryeministrave, si kjo me ata të Kurtit.

“Është hera e dytë që më (sulmojnë) pengojnë në kryerje të detyrës por kjo e sotmja është kulmi. Shihet në video sjellja e tyre derisa dora e djathtë ende po më dhemb. Kapja e mikfrofonit nga ana e tij që rezultoi edhe me ndaljen e kamerës është sikurse unë me I marrë armën atij. Mos të harrojmë me atë mikrofon kam raportuar dhe informuar popullin për të gjitha të mirat dhe të këqijat e të gjitha qeverisjeve e vitet e fundit më së shumti nga Mitrovica. Sjellja e sotme ishte për turp”, ka shkruar ajo.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci