Policia e Kosovës ka dhënë detaje lidhur me një rast që është duke ndodhur të premten mbrëma në Liqenin e Livoqit.
Një person po qëndron në pendën e këtij liqeni duke kërcënuar me vetëvrasje, ndërsa policia është duke tentuar së bashku me psikologun që ta qetësojnë.
Njësitet relevante të policisë, zjarrfikësit, ndihma e shpejtë, prokurori e psikologu janë në vendngjarje.
“Ju njoftojmë se më datën 19.01.2024, rreth orës 19:40, kemi pranuar një informatë se te penda e fshatit Livoq i epërme është një person Mashkull/Kosovar/Shqiptarë, rreth moshës 40 vjeç duke tentuar të lëndoj veten i cili ka hyp në murin e pendës dhe është duke qëndruar aty. Me pranimin e informatës, janë angazhuar të gjitha njësitet relevante, njësiti zjarrfikësve, ndihma e shpejtë, prokuroi dhe psikolog nga spitali regjional. Deri në këto momente të gjitha këto njësite janë të angazhuar në vendin e ngjarjes duke provuar që të bindin personin që të largohet nga muri i pendës.”, thonë nga policia e Gjilanit për Paparaci.com.