Të fundit

Dashuria për klubin e vendlindjes, Perishiq do të paguhet vetëm 1 euro në muaj te Hajduku

Ivan Perisiq ka pranuar të rikthehet te klubi i tij i fëmijërisë, Hajduk Split, edhe për një kontratë me pagë 1 euro në muaj.

Perisiq është huazuar fillimisht nga Tottenham Hotspur deri në fund të sezonit.

Pas skadimit të kësaj marrëveshjeje, 34-vjeçari është pajtuar që të nënshkruajë pastaj si lojtar i lirë.

Kontrata e tij me Tottenhamin skadon në verë, kur pastaj ai mund të finalizojë kalimin e tij si i lirë te klubi kroat.

Sipas marrëveshjes aktuale, Perisiq ka pranuar të marrë një pagë simbolike te Hajduku – prej vetëm 1 euro në muaj.

Gjithashtu, ka një klauzolë lirimi në marrëveshjen e tij me Hajdukun për dy afatet e ardhshme kalimtare, me kusht që klubi që e kërkon të paguajë çmimin e caktuar – që ende nuk u zbulua.

Reprezentuesi i Kroacisë tashmë ka edhe një marrëveshje verbale për bonuset që do të fitojë te Hajduku, në rast të kualifikimit në fazën e grupeve në garat evropiane sezonin tjetër.

Video nga Paradoks

"Po m'thojnë mos kno se po knon keq": Ramush Haradinaj ia jep këngës live - e fton Mirandën në duet

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci