Një 37-vjeçare është vënë në pranga nga Policia e Fierit pasi akuzohet se shfrytëzonte për prostitucion një 24-vjeçare.
Në njoftimin e policisë thuhet se hetimi ka zgjatur disa javë, dhe më pas u siguruan prova për një rast të veprimtarisë kriminale të prostitucionit.
“Në bazë të këtyre provave u finalizua operacioni policor i koduar “Gjurmimi”, gjatë të cilit u arrestua në flagrancë shtetasja Flurime Avdulaj 37 vjeçe, banuese në Fier. 37-vjeçarja dyshohet se ka shfrytëzuar për prostitucion, një shtetase 24 vjeçe”, thuhet në njoftimin e policisë.
Gjithashtu, në kuadër të këtij operacioni, u referuan materialet në Prokurori, ku nisi procedimi në gjendje të lirë për 4 shtetas, të dyshuar të implikuar në këtë veprimtari kriminale.
NJOFTIMI I POLICISË
Operacioni, pas një hetimi disajavor, me metoda proaktive, të ndjekur nga specialistët e Seksionit për Hetimin e Trafiqeve të Paligjshme të DVP Fier dhe nga Prokuroria e Fierit.
Shfrytëzonte një 24-vjeçare, për prostitucion, vihet në pranga 37-vjeçarja.
Procedohen penalisht 4 shtetas të implikuar në këtë rast.
Nga një hetim disajavor, i ndjekur me metoda proaktive, nga specialistët e Seksionit për Hetimin e Trafiqeve të Paligjshme të Drejtorisë Vendore të Policisë Fier dhe nga Prokuroria e Fierit, u siguruan prova për një rast të veprimtarisë kriminale të prostitucionit. Në bazë të këtyre provave u finalizua operacioni policor i koduar “Gjurmimi”, gjatë të cilit u arrestua në flagrancë shtetasja Flurime Avdulaj 37 vjeçe, banuese në Fier.
37-vjeçarja dyshohet se ka shfrytëzuar për prostitucion, një shtetase 24 vjeçe.
Gjithashtu, në kuadër të këtij operacioni, u referuan materialet në Prokurori, ku nisi procedimi në gjendje të lirë për 4 shtetas, të dyshuar të implikuar në këtë veprimtari kriminale.
Vijon puna për identifikimin dhe nxjerrjen përpara përgjegjësisë penale, të shtetasve të tjerë të përfshirë në këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.